Կարծում եմ՝ այս աղմկոտ գործը, որում այսքան մարդ կա ներգրավված, չի մարի. Լրագրող Վրույր Թադևոսյան

«Հիմա ընդամենը կարող եմ հույս հայտնել, որ այս տևական դադարը գործի ընթացքի համար արդյունավետ կլինի, և որ այս աղմկոտ գործը, որի մեջ այսքան մարդ կա ներգրավված, չի մարի»,- ասում է ապրիլի 22-ին Ավան վարչական շրջանում մի խումբ դիմակավորված անձնանց կողմից բռնության ենթարկված, Հանրային ռադիոյի լրագրող Վրույր Թադևոսյան:

Լրագրող Վրույր Թադևոսյանն ապրիլյան հեղափոխության օրերին բռնության է ենթարկվել իր մասնագիտական պարտականությունները կատարելիս: «Ես գնացել եմ Երևան քաղաքի Ավան Աճառյան փողոց, որը, ըստ նախնական տեղեկությունների, փակված էր դիմակավոր անձանց կողմից՝իրավիճակը լուսաբանելու նպատակով:

Իմ անձանական մեքենայով հասել եմ  «Ֆորդ» մակնիշի մեքենաների սպասարկման սրահի մոտ, որտեղ և անցել եմ իմ մասնագիտական պարտականությունների կատարմանը: Ճանապարհը փակ էր մի խումբ դիմակավորված անձանց կողմից, որոնք քաղաքացիական հագուստով էին և կարգավորում էին ճանապարհի այդ հատվածի երթևեկությունը»,- պատմում է Վրույր Թադևոսյանն ու ավելացնում, որ դիմակավորված անձինք հարձակվել են իր մեքենայի վրա, խլել իրենից իր բջջայինհեռախոսը և lpad Air 2 մակնիշի պլանշետը, որով նա այդ պահին ուղիղ հեռարձակում է ապահովել, և սկսել են մահակներով հարվածել թե՛ իրեն, թե՛ մեքենայի դիմապակուն, կողային հայելիներին և այլ մասերի։  «Հարվածում են, մեքենաս են ջարդում, մահակներով հարվածում են գլխիս, նաև սպառնում, որ կսպանեն՝ պահանջելով չնկարել»,- ասում է Վրույր Թադևոսյանը։

Վրույրը նշում է, որ իր վրա հարձակված անձանցտեղեկացրել է, որ լրագրող է, ցույց տվել լրագրողական վկայականը, բայց որևէ բան չի փոխել նրանց՝ իր նկատմամբ բռնություն կիրառելու, մտադրությունը:

Կատարվածի կապակցությամբ լրագրող Վրույր Թադևոսյանը դիմել է ոստիկանություն։Հարուցվել է քրեական գործ։Գործը ՀՀքննչական կոմիտեի վարույթում է: Առ այս պահը, սակայն, մեր ունեցած տեղեկությունների համաձայն՝ Քննչական կոմիտեն պարզել է միայն լրագրողի  մասնագիտական գործունեությանը խոչընդոտած անձանցից մեկի ինքնությունը: Կասկածյալի նկատմամբ խափանման միջոց է ընտրվել ստորագրություն չհեռանալու մասին:

Մամուլում ապրիլի 28-ի հրապարակվեցին լրագրողի նկատմամբ բռնություն կատարած անձանցից մի քանիսի լուսանկարները, որոնց անունները կապվում են Երևանի նախկին քաղաքապետ Տարոն Մարգարյանի անվան հետ:

Վրույր Թադևոսյանն ասում է, որ անկախ գործիձգձգումից, լիահույս է, որ կատարվածը կբացահայտվի և չնայածայս փուլում երկրում չլինելու հետևանքով չի կարող ակտիվ մասնակցություն ունենալ գործի ընթացքին, վստահ է, որ իր ներկայացուցիչները հետամուտեն գործին: «Ես վստահում եմ նրանց և իմ մասնակցությունը լինի, թե ոչ, միևնույն է գործի քննությունը շարունակվելու է»,- ասում է Թադևոսյանը:

Վրույր Թադևոսյանի գործով նախաքննությունը դեռ ավարտված չէ, ուստի նախաքննության ավարտից հետո, կախված դրա արդյունքներից, կքննարկվեն հետագա անհրաժեշտ գործողությունները լրագրողի մասնագիտական գործունեությանը խոչընդոտելու և այդ կապակցությամբ նրա վրա կատարված հարձակման գործով:

Բացի դրանից, հաշվի առնելով, որ ոստիկանությունը անգործություն է դրսևորել և ժամեր շարունակ չի ապահովել տվյալ վայրում իր ներկայությունը՝ նման հնարավոր միջադեպերը կանխարգելելու նպատակով, հայց է ներկայացվել նաև վարչական դատարան: